వెన్నెల అలిగింది..

వెన్నెలేమైనా  నీ దగ్గరకు గానీ వచ్చిందా? ఏం లేదులే ఇవాళ   ఇక్కడ లేదు..నీకు తెలుసు కదా వెన్నెలంటే నాకు చాలా ఇష్టమని.వెన్నెల్లో తడుస్తుంటే నీతో కలిసి నవ్వుతున్నట్లు ఉంటుంది నాకు...నిన్న వెన్నెలనే చూస్తూ కూర్చున్న.ఏంటి అలా చూస్తున్నావ్ నన్నే అనడిగింది.ఏం లేదు నువ్వు అందంగా ఉంటావా లేక తను అందంగా ఉంటుందా అని ఆలోచిస్తున్నాను  అని చెప్పా అంతే ఎక్కడలేని ఉత్సాహంతో అడిగింది హా చెప్పు ఎవరు బావుంటారు  అనడిగింది ఇక చెప్పక తప్పలేదు.. నీకన్న తనే అందంగా ఉంటుంది అని  చెప్పా..బాధపడిందనుకుంటాను  మొహం అదోలా పెట్టి నిజమా అనడిగింది.అంత నమ్మకం లేకపోతె వెళ్లి చూసిరా అని చెప్పను.ఇపుడు నీ దగ్గరికే వచ్చిందనుకుంటాను ఏదోకటి  చెప్పి పంపేయి..